أنتفاضه العلميين فى مصر

جروب خاص بالعلميين وأخصائيى التحاليل الطبية من مختلف التخصصات المغتصبة حقوقهم

هنا بس بإذن الله هنقدر ناخد حقنا بالكلمة والصوت ووقفة الرجالة

بعد اذن الساده الاعضاء عدم استخدام الالفاظ الجارحه او الحاده لاي فئه ايا كانت

ولن يضيع حق ورائه مطالب

الهدف من الجروب ليست اثاره البلبله او اضرابات عشوائيه خارجه عن الاطار السلمي

و لكن التحرك الجاد و القانوني لأيجاد حلول لمشاكلنا و مطالبنا هي مطالب فئويه بحته

و لن نسمح لأي فئه ايا كانت ان تستغل اسمنا في تسييس القضيه

احنا مش عايزين عدد وخلاص احنا عايزين ناس تتحرك معانا رجالة بجد

هى دى المقدمه الى أفتتح بيها الجروب

كل الموضوع أننا أتخرجنا علميين لقينا نفسنا ولا حاجه

ملناش لقب

ملناش مهنه معترف بيها

ملناش هدف

ملناش شغل بمرتب محترم

أزاى طالب علوم يعد يدرس فى علوم أقل ما يقال عليها أنها هى الى تدير العالم وفى الأخر يشتغل ب 200 جنيه فى الشهر لو طالهم ويتنطط عليه واحد أقل منه فى المكانه العلميه

هدفنا محدد

أننا نسترجع كيانا المفقود

الكيان الى خلا دكتور زويل ودكتور مصطفى السيد يدوروا عليه برا مصر

مصر فقدت كتير بأبتعادها من صفوف البحث العلمى

عدم وجود بحث علمى خلا مفيش صناعه

زود البطاله

زود هجره الشباب برا البلد

بطريقه شرعيه أو غير شرعيه

فى الأخر يا بيرجعوا كبار فى السن ملهمش طاقه أنهم يعملوا حاجه

يا جثث فى توابيت

محتاجين أننا نقف مع بعض صح

نحط أيدينا فى أيد بعض صح

نرجع مجد بلادنا

نرجع البحث العلمى

وهيبه العالم

نستحضر صوره زويل والسيد وغيرهم من العلماء الى شكلوا تاريخ العالم

علشان كده أحنا أتجمعنا

وحنطالب بحقوقنا

بطريقه سلميه

وكل حد بيحب بلده حيساعدنا

كل الى عايزينه أننا نشجع البحث العلمى

مش حرام أن ميزانيه الأفلام والأغانى الخليعه تكون أعلى من ميزانيه البحث العلمى

من أمتى تتقدم الأمم بالخلاعه

محتاجين نرفق بحال التقدم العلمى

ونديله حتى لو نص أهتمام المجالات التانيه

وزى ما فى المفتش كورومبو

يكون فى مسابقات علميه

عايزين نحفز العلميين أنهم يطلعوا أقصى ما عندهم

لازم ننشئهم مقدرين لذاتهم

عارفين هما أيه

أيديكم فى أيدينا يا جماعه

أحنا بنحب بلادنا جدا

وأنتم كمان

قبله وداع مقاس 44

أتفاجأنا كلنا بمشهد بوش وهو بيلعب راكيت بالجزم الطائره

دا مش هزار دا بجد

فى مقوله بتقول أن كتر الكبت يولد الأنفجار

وده الى حصل

لم يتحمل الصحفى العراقى منتضر الزايدى أهانات الأمريكان لأهله وبلاده وللعرب عموما وأستباحتهم لأعراض شقيقاته العراقيات وأذلالهم لكبار السن وقتلهم للأطفال وكان رده بسيط جدا

بس الرد البسيط ده أيقظ أمه بحالها

بعد أستشهاد محمد الدره جه بطل تانى علشان يصحى المارح النائم العربى

فى العراق بيعتبروا أن الحذاء أحقر حاجه ممكن الأنسان يتعامل بيها لأنها ملتصقه بالأرض ودائما قذره

فماكان من منتضر الا أنه رفع حذاءه ورماه فى وش الى أهان أهله

بجد ناشانجى رقم واحد

والتانى مستعد شكله متعود على الضرب بالجزم أول ما شاف الجزمه قام موطى -خبره بقى-

وأل أيه المالكى بيصد عنه بأيديه

سؤال يعنى لا مؤاخده

هو الباشا عربى ولا سد خانه فى البطاقه؟

بس الحلو جدا أن الشوذ جه فى العلم الأمريكانى رغم أن كان جنبه علم السعوديه وعلم مصر تقريبا

ياجماعه قلنا أستاذ فى النشان ورئيس قسم محدش صدق

النكته بقى أن الحرس عدموا منتضر العافيه وجابوه أرضى

ويقال أن وهما بينقلوه من مكانه كان فى أثار دم فده معناه أن فيه أصابات خطيره

والأجمد بقى أن واحد من الشرطه العراقيه بيقول لأخوه أنه مصاب بكسور

فهل دى هى الديمقراطيه الأمريكيه الى أمريكا بتروجلها فى العالم

الخطر على منتضر مش من الأمريكان

الخطر عليه من السلطه العراقيه لما يستلموه دول أيديهم طرشا علشان يرضوا بابا بوش

مش مراعيين أننا أخوات وعرب فى بعض

عافين أنا متوقعه أيه بعد كده

أن أى مؤتمر صحفى بعد كده حيبقى شوذ-ليس

يعنى الناس حيدخلوه حافيين لدواعى أمنيه

ولا الأجمد بقى أن أى دوله عندها مصانع أحذيه حتلاقى أمريكا طابه عليها بحجه أن عندها أسلحه دمار شامل

يعنى الناس حتبقى حافيه الفتره الجايه

مالها الشباشب والقباقيب

مع أنهم حيقولوا أن القباقيب من أسلحه الدما ربرضه بأيعاذ من أنجلترا أيام ما كانت محتلانا لما كان ستات مصر بيشبشبوهم بيها

والله لا تعليق بجد

ربنا معاك يا زايدى

أنت بطل بجد

ربنا يرجعك لينا بالسلامه يا بطل العرب

ألف دقيقه ودقيقه (الدقيقه الخامسه)

بلغنى أيها القارئ الرشيد

الى من هنا ماهوش بعيد

أنه فى دوله من دول قاره كان

الى جنب الدوله أياها الى رئيسها الأستاذ مرجان

أن الدوله دى بقالها سنين وسنين بتعانى يا ساده

من الأحتلال والظلم والقهر بزياده

وأهلها أتحولوا من كرما لأذله

على أيد معتدى وأحتلال فاكر نفسه ماسكلهم ذله

أل أيه بيقول أنهم دوله نوويه

وأفترض فى أهاليها الطيبين سوء النيه

المهم

جه الأحتلال والظلم قضى على الدوله ديه

وأهلها داقوا أسوأ أنواع الذل والعذاب

على أيد المحتلين الى عاملين أحزاب

كأنهم يخواتى أتلموا على حته لحمه زى الكلاب

أيشى كلب أنجليزى وأيشى أيطالى ولا البوب الكبير بتاعهم الأمريكانى

دا الناس كلها صرحت بأعلى صوتها منه أاااااااااااه يانى

وتدور الأيام وتلف

ويخلص حكم القرد الكبير

تخيلوا كل العالم ودعه من غير تكبير

حتى القافله بتاعته مفضلش فيها حمار من الحمير

بس كان لسه ليه طار بايت

مينفعش يمشى قبل ما يوفيه

دا وعد ومكتوب يا بيه

القرد نط فجأه على زياره مفاجأه

ومكنش يعرف أن فيها قضاه

فيها قابل واحد كان مره من المرات أذاه

والواحد ده منسيش تاره وتار أهله وبلده ياولداه

فخلى القرد عمال يخطب ويتكلم

وعلى أتباعه عمال يسلم

قام الجزمه من رجليه

وعلى وش القرد أداله وحلف ليوريه

طبعا ياجماعه هو القرد نسى هو أيه

أهانه قدام وسائل الأعلام

ودا بجد بعشرميت سلام

الله ينور عليك يا كبير

أثبت أن الحق عمره ما بيركبأجنحه ويطير

بس لللأسف الحمل بتاعنا راح فى خبر كان

ومحدش دلوقتى يعرفله مكان

ربنا يحفظه

ويديله الأمان

زى ما رفع راسنا بين البلدان

الى منضر الزايدى

أنا أتخرجت يا جماعه باركولىىىىىىىىىىىىىىىىىىىىىىىىىىىىىى

بمناسبه أن بعد معاناه 4 سنين أشغال شاقه وحرقه دم وقرف
كورسات واخدين
محاضرات حاضرين
سكاشن مش مفوتييين
دكاتره رخمه متحمليين
وفى الأخر ياريتنا عاجبيين

أيه السجع ده

من الأخر أنا أتخرجت

وبالمناسبه دى سمعنى سلااااااااااااااااااام وأخيرا أتخرجت

مبروك عليا الفرج من الدوخه والعسره

ولو محدش زرغطلى والنعمه منا ساكته

وأخيرا أتخرجت

ومعدش هاممنى حاجه

محدش لو كلمة علياولا حد لو عندي حاجة

وحنام للظهر براحتى

وأتغدى بفيليه

وحدلع على الى جابونى وأفتر بالباتيه

وخلاص حعيش حياتى

وحدلع نفسى

أنشاله أروح ميامى

مادام لوحدنا

ولحد ما شهاده حتطلع

حنام وحأنتاااااااااااااااااااااااخ

حأنتخ

حأنتخ

وحاخد راحتى حبه

وحبطل المذاكره

وحروح وحاجى على كيفى

من غير عكنناااااااااااااااااااااا

ومن النهارده أنا حره

ومفيش دراسات عليا

ولا دبلومه بالمره

ولا تأمير من أستااااااااااااااااااذ

وأخيرا أتخرجت

ترررم رم رم

أهداء الى كل الخريجين الجدد مع تحياتى

Its New Start!!! دى بدايتى الى بجد

الأنسان بيتغير فى حياته كذا مره وبيمر بمراحل فى حياته بتغيره يا للأحسن يا للأسوأ

مثلا شخص أتنقل من حياه المدرسه المحدوده لحياه الجامعه المفتوحه

وواحد تانى أخد بمبه فى حبه فبقى بيهلفط وأتغير

وواحد تالت أشتغل وأتغيرت شخصيته علشان بيتعامل مع ناس جديده ومجتمع جديد

وواحد تانى خالص أتصدم فى مبدأ كان مؤمن بيه جدا فأتغير

ياتاره أنت أنهى فى دول

ولا أنت حد تانى خالص

أمتى قلت أنها بدايه جديده

بدايه لعالم تانى

ومستقبل تانى

وحياه تانيه

ألف دقيقة ودقيقة(الدقيقة الرابعه)

بلغنى أيها القارئ الرشيد الى فى الغالب فى الوقت الى أحنا فية ده غير سعيد

أنه فى نفس المحافظه من الدوله أياها الى كان السكان فيها هادين ..طبعا ..مهى عالبحر يا محلاها

فى منطقه كلها كليات.... أشى مجمع نظرى وعملى ..طبعا مهو من كل الفئات

أن المنطقه دى كانت مزدحمه بالطلبه

طبعا ... مهما عماد الأمه وقشرتها الصلبه

حلوه قشرتها الصلبه دى ياعزيزى... بس للأسف بنكسرها وبنجبلها أحباط سووو أيزى

المهم ...

أنه كان فى كليه الحاسبات

الى جنب مركز المعلومات

دكتور فى قسم المشروعات

لسه جى من بره بشوكه

جديد لسه محدش عرف طبعه ولا زوقه

وطبعا الغربال الجديد له شده

ويحب تكون هيبته مشتده

فدخل عالطلبه بالحنجل والمنجل

وقال ليهم أنا كلامى زى الكتاب الذى أنزل

أنتم طلبه زباله محتاجين أعاده تأهيل

لأن كل الى درستوه فى الأربع سنين الى فاتوا كان فيهم أهمال خطير

وأنتم وأنتم وأنتم

الطلبه ياعينى جالهم أحباط

والأبداع فى عقولهم مات

طبيعى

ماحد بيفكرهم كل لحظه فى اليوم أنهم أغبيو بالذات

خصوصا البنات

أصله كان من النوع المؤمن أن البنت مخ معندهمش

زى بالظبط فرده الكاوتش

فكان بيتعمد يهينهم بالذات

ويقلل من قيمه كل الى بيعملوه من حجات

لحد ما فى يوم عمل للطلبه بتوعه تيست

وطبعا ليكم تتوقعوا نتيجه الأمتحان

لم ينجح أحد يا ساده يلا ماهو كلوا عنده سيان

ومن كتر أحباطه للطلبه

خافوا ياعينى من الخواتم

والسهل منه بقى طلاسم

وقتل الأبداع فى جيل جديد

وحجته أصلكم معندكمش جديد

سيبينه ليه ده

هو البلد ناقصه خراب

ولا فاكرين أنه حيحقق السراب

وعجبى

ألف دقيقه ودقيقه(الدقيقة الثالثه)

بلغنى أيها القارئ الرشيد أنه فى نفس الدوله أياها بقياده الزعيم أسم النبى حارسه ووزيره الى الشعب دارسه
أنه فى يوم من الأيام
والشمس طالعه فوق
والناس بتفتح عنيها ولسه حتفوق
فوجأوا أن فى أزمه كبيره
كبيره مين يا جماعه دى كارثه خطيره
أل أيه مفيش عيش
والطوابير كتير كتير عالشيش
والناس تزعق وتخبط بس على مفيش
ماهما حيعملوا أيه يا جماعه
عيالهم عايشين فى مجاعه
ومراتاتهم مش مستحملين
عيشه كرب من الأخر الناس مزلولين
والى زاد وغطا مشاكل بالكوم متكومين
أل أيه غلاء معيشه
وأل أيه مواصلات شحيحه
وأل أيه مساكن مفيش
وأكل متسرطن يا مفيش
لحد مجه يوم والناس فاض بيها الكيل
وأتعالت الأصوات من قلب الليل
ثوره يا جماعه
أحنا ناس لينا كرامه
ومش حيوانات فى دوامه
فقرروا يثوروا
وعلى الظلم يفوروا
وبالفعل حصل
بس الأمر العالى صدر
الى حيتظاهر هو حر يا جماعه
فى ديمقراطيه دى موضه الساعه
بس الى يفكر يخرج من بيته
ربنا يباركله فى عينه وعفيته
علشان ياخدها كعب داير
على كل الدواير
وأبقى قابلنى ياعم الحج
ياشجيع لو سأل عنك حد

ألف دقيقه ودقيقه -->(الدقيقه الثانيه )

بلغنى أيها القارئ الرشيد ذو العقل الشديد والمسلك الحميد أنه أنه فى نفس الدوله من دول القاره أياها الى محدش سماها
أنه كان هناك مؤسسه خيريه
بمسائل الشعب معنيه
وكانت معتمده فى تمويلها وشغلها على الجهود الذاتيه
ولأن سمعتها كانت زى الفل
فكانت حائزه على ثقه الكل
وكانت بتساعد ناس كتير
وبتستبعد من عناصرها أى عنصر شرير
وكان الى بيشتغلوا فيها كلهم أيد واحده
وكانت فعلا ونعم الجمعيه بجد متحده
لحد مجه يوم
دخلت فيه عناصر ملهاش لزوم
ومسكها نوح أبو سكين
المدعى أنه من أنصار الدين
ومربى دقنه بشكل متين
وأل أيه بينتقد كل واحد شايفه متحرر بمنطلق أنه حاكم البرايا
وربنا هو العالم بالنوايا
وكان وشه وش بومه على الجمعيه
وأدمه أدب غراب برجل محنيه
خربها وقعد على تلها
ومسكها للى جاب درافها وخربها كلها
وللأسف أتحولت أهدافها
وبقى الناس المحتاجه بتتذل علشان مصالحها
وبعد مالأيد كانت بتترفع بالدعا للناس الى شغالين فيها
بقت بتصب اللعنات
وبدأنا نسمع تنهيدات الأمهات
وواحده واحده أبتدت تبقى جمعيه أستهلاكيه
بعد مكانت خيريه
وعجبى